Andhiminn

Kreppa segirðu?

2008-10-17T11:46:00.006Z

Það er gaman að segja frá því að fartölvan sem ég keypti í febrúar er búin að hækka um 90 þúsund krónur í verði síðan þá. Hún var reyndar á tilboði, en samt.

Annars held ég að allir landsmenn sem til þekkja geta verið sammála því að Apple búðin á Íslandi (nú þekkt sem Humac) er einhver mesta skömm íslensku þjóðarinnar fyrr og síðar.

„Okur-verð og ónýt þjónusta, við gerum okkar besta til að gera þér lífið leitt!“

Skotapils væri eflaust fínt

2008-10-02T21:29:00.002Z

Ég er ekkert sérstaklega hrifinn af þessum ótímabæra kulda, venjulega byrjar ekki að snjóa fyrr en í kringum afmælið mitt. Ég er þó tilbúin, fór áðan og keypti mér dúnúlpu og er byrjaður að safna skeggi.

Hún er tveggj'ár'ún Brynhildur Hafdís

2008-09-29T22:34:00.005Z

Hún leikur við stóru krakkana núna.

Já, tveggja ára virðist ekki mikið en fyrir henni gæti það verið öld

Telma bakaði köku og Guðrún nágranni gerði kremið

Þú veist að þú ert gamall þegar...

2008-08-26T14:42:00.002Z

Árni bróðir er tuttuguogtíu ára í dag. Til hamingju með það.

Eins og allir vita þá er Árni einmitt 5 árum eldri en ég og eykst sá munur með hverju ári sem líður.

Áfram Ísland

2008-08-24T07:58:00.002Z

Ef ég á að vera hreinskilinn þá hefði ég ekki nennt að vakna klukkan sjö í morgun ef ég hefði ekki þurft að mæta í vinnunna til að fylgjast með vefútsendingunni. Satt að segja er ég of þreyttur til að vera ekki sama um úrslit stærsta viðburðar í íslenskri íþróttasögu. Áfram Ísland. Jei.

Lexía dagsins

2008-08-19T08:35:00.001Z

Ekki borða súkkulaðihúðaðar kasjúhnetur rétt áður en þú ferð út að hlaupa, það eru mörg önnur betri tækifæri til þess.

Orðaleikir

2008-08-15T21:41:00.003Z

Brynhildur var að syngja „Telma litla könguló klifrar uppá vegg“ i bílnum áðan. Hún lærði það ekki frá mér, er meira að segja farin að kalla mig Karl Jóhann.

Eftir langa íhugun get ég ekki ákveðið hver titillinn á að vera

2008-08-11T12:28:00.001Z

Alltaf þegar ég ákveð að mig langi til að kaupa eitthvað dýrt (allt sem kostar meira en 6500 krónur nema föt og aðrar nauðsynjar) þá hugsa ég lengi og vel hvort hluturinn sé peninganna virði. Ég eyði afskaplega miklum tíma í að bera hlutinn saman við sambærilega hluti og reyni að átta mig á því hverjir kostir og gallar hlutarins eru, miðað við aðra hluti og miðað við það sem ég vil fá út úr hlutnum.

Ég er haldinn mikilli fullkomleikaþörf og þjáist einnig af leiðinlega miklum valkvíða; oft spái ég svo mikið í hlutnum að ég er hreinlega komin með leið á honum áður en ég get ákveðið hvort ég eigi að kaupa hann eða ekki.

Ákvörðunin um að kaupa hlutinn eða ekki er þó aldrei byggð beint á rökum heldur reiði ég mig alfarið á tilfinningar mínar. Ég réttlæti það með þeim rökum að á þeim tímapunkti sem ég er tilbúinn að segja af eða á þá er ég búin að afla mér nægar upplýsingar til að hafa "tilfinningu" fyrir hlutnum. Þannig að ef mig langar ennþá nógu mikið í hlutinn til að eyða pening í hann þá geri ég það. Ef ég get.

Ef ég get virkilega ekki ákveðið mig þá kasta ég tíkalli uppí loftið og læt hann ákveða hvort ég eigi að kaupa hlutinn eða ekki. Ef mér líkar ekki sú hlið sem kemur upp þá veit ég líka að mig langaði hitt meira og þá er það þarmeð ákveðið.

Ég er í öðrum orðum afskaplega óákveðin manneskja.

Þetta getur þó haft sína kosti, ég eyði sjaldan í eitthvað sem ég sé eftir og hvatræn kaup eru fremur sjaldgæf. Ég þekki mín fjárhagsmörk mjög vel og reyni að reyna sem sjaldnast á þolmörk þeirra, ég kaupi annaðhvort gæða vöru eða rusl sem sleppur þangað til ég hef efni á einhverju almennilegu og ég á nóg af rusli.

JavaScript gleði

2008-08-08T10:50:00.001Z

Fyrir þá sem ekki vita það þá er JavaScript forritunarmál fyrir vafra. Þegur þú notar til dæmis Facebook þá ertu í raun að sigla í gegnum straumharða á af JavaScript.

Þeir sem hafa einhverntímann prófað að nota JavaScript vita að málið er ekki beint ætlað í stórtækar framkvæmdir eins og tölvuleiki, en sem betur fer eru ekki allir sammála mér. Þessi síða er frábær, ekki vegna þess að leikirnir eru frumlegir eða einu sinni alltaf vel útfærðir, hún er frábær á sama hátt og það væri frábært að sjá Trabant með 200 hestafla vél að gægjast upp úr vélarhlífinni, bara til að sýna að það sé hægt að koma 200 hestafla vél fyrir í Trabant (þó það sé eflaust ekki fýsilegt).

Það þarf sköpunargáfu til að koma Super Mario fyrir í 14Kb js skrá og það án nokkurra utanaðkomandi skjala (öll hljóð og grafík eru búin til með js).

Það eru eflaust til betri leikjasíður á netinu en þessi er mín uppáhalds.

Talandi um að tala um veðrið

2008-07-03T13:06:00.001Z

Af hverju vissi ég ekki af þessari veðursíðu?

Framtíðarrama

2008-07-02T21:02:00.002Z

Hvenær varð það alltílagi fyrir fullorðið fólk að hafa gaman af teiknimyndum? Hefur það alltaf verið þannig? Ég man eftir því að þegar ég var lítill voru teiknimyndir fráteknar fyrir börn, jafnvel sígildu Disney myndirnar voru ekki sú skemmtun sem fullorðið fólk valdi sér.

Síðan kom líklega Simpson fjölskyldan, svo Pixar, svo allt hitt. Teiknimyndir fyrir börn nú til dags eru kolklikkaðar; mér líður eins og það sé verið að lemja mig með hundrað hríðskotabyssum þegar ég horfi á sumar nútímateiknimyndir. En svo eru svokallaðar "fullorðinsteiknimyndir" og þá meina ég ekki á þann hátt sem sumir hlutir eru kallaðir fullorðins, heldur bara svona eitthvað sem eru framleitt fyrir fólk eldra en 12 ára.

Núna afar nýlega komst ég að því að það yrði gerð fimmta þáttaröð af hinum geysiskemmtilega teiknaða sjónvarpsþætti Futurama. Það var afar ánægjulegt að heyra, eins og að fá gamlan vin sem var dauður aftur til lífsins, þó ekki alveg eins vafasamt. Ó je.

Náttúruvernd aftur

2008-06-27T22:22:00.003Z

Það er erfitt að vinna ekki yfirvinnu þegar það er meðal annars búið að taka út heilsíðu auglýsingu um vefinn sem maður er að vinna við.

Hér er svo afrakstur pinnavinnu fyrradagsins (allur vefurinn tók reyndar aaaðeins lengri tíma) og auðvitað systravefur hans (hann er reyndar ekki komin á netið þegar þetta er skrifað). Ég mæli með að þið skoðið þessar síður og ekki bara vegna þess að ég forritaði þær og setti upp eða hvað þá vegna þess að þið hafið áhuga á að vernda íslenska náttúru, heldur vegna þess að þetta er eflaust eitt besta safn af íslenskum náttúruljósmynda á netinu, flott safn af flottum myndum teknar af flottustu ljósmyndurum landsins. Það er stundum jafnvel gaman í vinnunni.

Dóttir mín er orðin að unglingi

2008-06-26T14:05:00.001Z

Klukkan er átta að morgni og pabbaleg týpa hyggst vekja konu sína og dóttur sem hann hafði leyft að sofa vært aðeins lengur en venja er. Pabbalega týpan strýkur dóttur sinni, sem nú situr hálf upprétt, um hárið og ávarpar hana: "Hæ elskan, viltu koma fram með pabba?" Litla stelpan hugsar sig ekki lengi um heldur svarar hátt, skýrt og syfjulega: "Nei."

Pabbinn furðar sig á þessu þar sem litla stelpan er venjulega meira en til í að fara frammúr á morgnanna.

"Viltu sofa meira?" Spyr hann. "Ertu ekki búin að sofa nóg?"

Litla stelpan horfir þreytt á pabba sinn, reisir hönd sína og segir "bless, bless," verandi eina leiðin sem hún kann til að biðja pabba sinn um að fara. Að þeim orðum sögðum lagðist litla stelpan á magann og hugðist sofa meira. Pabbinn fór því fram og hugðist elda hafragraut.

Að sjálfsögðu var leikgleðin svefnþörfinni yfirsterkari og kom því litla stelpan fljótlega fram til að finna dúkkuna sína til að leika við.

Boðskapur sögunnar er enginn, svo það sé engin vafi um það.

Náttúruvernd

2008-06-25T16:13:00.002Z

Ég eyddi megnið af vinnudeginum í að púsla pinnum með lýsandi myndum af virkjanaframkvæmdum á kort af Íslandi ... í tölvunni.

Ég er ekkert ef ekki dramatískur

2008-06-18T21:03:00.006Z

Brynhildur Hafdís á marga bolta, hún á til dæmis skopparabolta, strandbolta, gúmmibolta með myndum á, fótbolta og mjúkan barnabolta. Hún kann að slá í boltana, henda þeim, sparka í þá (framtíðar kvennalandsliðsmaður eflaust), sitja á þeim og allt þar á milli.

Það er ofboðslega gaman að fylgjast með barni þroskast. Til dæmis þegar það byrjar að tala og mynda setningar, segja hluti sem bara eru sniðugir þegar börn segja þá og blaðra endalaust um ekki neitt. Það er ótrúlegt hversu stoltur maður verður af hversdagslegum hlutum og það er ótrúlegt hversu illa manni líður þegar þeim líður illa.

Það er erfitt að fylgjast með barninu sínu gráta og illmögulegt að horfa á það þjást. Síðan ég eignaðist barn hef ég fundið fyrir meiri sársauka og meiri gleði heldur en ég hafði fram að því til samans. Ég myndi ekki mæla með þessu við neinn en samt við alla.

Börn eru ótrúleg dýr.

Sól sól skín á mig

Húsdýragarðurinn rokkar

Alltaf gaman í baði

Fínar og sætar

Bella, uppáhalds dúkkan

Hæ hó jibbí og jei

Brauð er best

Sjáðu mamma, strjúka mér hérna

Tölvuvön frá ungaaldri

Hversu kúl væri að smyrja skyri á hendina mína?

Endurnar fengu minnst af brauði þennan dag. (Með á mynd eru Baldur, besti vinur, og Guðrún mamma hans.)

Já! Busla!

Ég sé ekki svipinn

Afgangurinn

2008-05-07T11:03:00.000Z

Bad Religion - Stranger than Fiction
Bouncing Souls - Kate is Great
Melt Banana - A Dreamer Who is Too Weak to Face Up to

Voðalegt veður er þetta

2008-05-06T11:53:00.001Z

Bad Religion - You
Megadeth - Diadems
Coheed and Cambria - In Keeping Secrets of Silent Earth: 3

Ástarljóð með undirspili

2008-05-05T16:21:00.001Z

Það er svona frekar þunglyndislegt veður í dag. Ástarlög.

Bouncing Souls - Bryan's Lament
Therapy? - Screamager
Poison the Well - The Realist

Sumarlög

2008-05-02T10:50:00.000Z

Það er gott veður í dag, sumar jafnvel, þá er tími á sumarpönkið. Lögin verða fimm, þau eru svo stutt. Njótið vel!

Operation Ivy - Sound System
Millencolin - Bullion
Rancid - Timebomb
NOFX - Linoleum
Catch 22 - Dear Sergio

Stolin lög, taka tvö

2008-04-30T10:57:00.006Z

Það er aðeins minni vindur í dag.

At the Drive-In - Arcarsenal
Bad Religion - Generator
The Dillinger Escape Plan - 43% Burnt

Samanburður

2008-04-29T21:38:00.005Z

Ég er loksins búin að setja upp Windows Vista™ á tölvu hjá mér. Það er búið að taka hart nærri ár að gera það vegna þess að það hefur ekki tekist hingað til, en eftir tvöhundraðasta gúgglið þá hafðist það. Ég er ekki aðdáandi Microsoft — eins og flestir — en fyrst ég átti löglega útgáfu af stýrikerfinu þá fannst mér eins og ég ætti að nýta mér það.

Ég hef prófað Vista nokkrum sinnum áður en aldrei notað það af neinu viti. Ég komst þó fljótlega að því að það er ekki hægt að nota það af neinu viti, stýrikerfið kemur gjörsamlega í veg fyrir það. Ég hef bara ekki nógu marga slæma hluti að segja um það!

Mér hefur þó enn ekki tekist að notfæra mér alla kosti stýrikerfisins þar sem það vill meina — eins mikið og forrit vill meina eitthvað — að útgáfan sem ég leigji ókeypis af þeim sé ekki lögleg, þrátt fyrir að standast alla rýni sem þeir hafa upp á að bjóða og bjóða mér ávallt að þeim loknum að notfæra mér alla kosti stýrikerfisins þá vill það ekki leyfa mér það og segir mér aftur og aftur að útgáfan sé ekki ”ekta“.

Á sama tíma hef ég verið að nota Mac OS X mun meira en venjulega. Þegar ég nota Mac OS X þá líður mér vel, mér líður eins og tölvan elski mig og að hún svífi um á bleiku skýji hátt fyrir ofan hin dimma og gráa heim sem Microsoft hefur fjöldaframleitt öllum til mikillar mæðu, meira að segja þegar hún er biluð.

En að bera saman Windows Vista og Mac OS X er eins og að bera saman úlfalda og mýflugu, eða Daewoo og Volvo, eða drasl og ekki drasl. Windows Vista stendur sig ekki illa í samburði við Mac OS X, þessi tvö stýrikerfi eru einfaldlega ekki samanburðarhæf.

Ég vil endilega heyra frá öðrum sem hafa notað Windows Vista, er það kannski ekki óbærilegt helvíti? Er ég bara að misskilja eins og venjulega? Er í alvörunni engin ástæða til að nota bara XP ef maður þarf að nota Windows upp á annað borð?

Það er kannski ágætt að minnast á það nýjasta útgáfa af Ubuntu stýrikerfinu kom út í síðustu viku og þó ég hafi orðið fyrir smá vonbrigðum þá er þetta án vafa besta útgáfan hingað til og einu skrefi nær notendavænleika.

Ég verð að bæta því við að ég hlakka óskaplega mikið til að sjá næstu útgáfu af Windows stýrikerfinu þar sem það verður bara að vera það stórkostlegasta síðan sjónvarpið var fundið upp til að bjarga þessum fyrrum tölvurisa frá þungu falli. Þeir hafa að minnsta kosti pening og mannskapinn til að gera eitthvað stórkostlegt og þó það sé ólíklegt þá er það hugsanlegt...nei, samt ekki.

Held alveg örugglega að það sé þetta sem þeir eru að meina

2008-04-29T16:59:00.006Z

Í tilefni þess að Rannsókna- og háskólanet hefur ákveðið að loka fyrir vefsvæði mitt á hi.is vegna misnotkunar hef ég ákveðið að færa öll skjöl sem gætu hugsanlega talist ólögleg eða ósiðleg af vefsvæði mínu. Þetta vafasama efni getur eingöngu verið þær tónlistarskrár sem ég hef geymt þar í gegnum tíðina og vísað í hér.

Þar sem ég hafði frekar gaman af því að fara í gegnum allar þessar skrár þá læt ég ekki segja mér og flyt allar þessar skrár yfir á hneta.net. Þrjár á dag (að helgum og frídögum undanskildum) og í dag er mikið rok.

My Chemical Romance - Helena
Fear Factory - Self Bias Resistor
Melt Banana - Spathic!

Ætli þeir séu að miða á einhvern sérstakan?

2008-04-23T11:14:00.001Z

Eru lögregluaðgerðir á Íslandi að verða öfgakenndari?

Annars þekki ég ekki alla söguna og er eiginlega bara að ýta undir múgæsing.

Föstudagur, lag

2008-04-11T11:11:00.010Z

Eitthvað gamalt og gott. Ég áttaði mig lengi ekki á hve þunglynd hljómsveit Therapy? væri, kannski lögin séu svona hress.

Therapy? - Die Laughing [hlusta]

Gimme something to breathe
Give me a reason to live
Close your eyes and see
What you have inside

I think I've gone insane, I can't remember my own name
I think I've gone insane

Now the dream is gone
And your friends just tell you lies
Then you realize
You're gonna die anyway

I think I've gone insane, I can't remember my own name
I think I've gone insane, I can't remember my own name
I think I've gone insane, I can't remember my own name
I think I've gone insane

Lost in a world with no reality
I'm frightened to move
I'm frightened to speak
And I will kill for a good night's sleep
I'm feeling, I'm feeling dead, dead, dead, dead

Fimm mínútur af vinnutíma

2008-04-10T11:28:00.003Z

Þeir sem stunda eða hafa stundað nám við HÍ þekkja ugluna vel. Þar er hægt að nálgast upplýsingar um námsframvinduna og námskeið og ég veit ekki hvað, meira að segja upplýsingar um veðrið er í uglunni og segja sumir jafnvel að uglan ráði veðrinu í Vesturbænum ... nei, ekki í alvörunni, það segir það enginn. Í augnablikinu er uglan mín tóm, ég er ekki skráður í nein námskeið, í fyrsta skipti í átta ár.

Ég hef að vísu ekki stundað nám í HÍ samfleytt í átta ár, nær fimm árum, en ég hef verið skráður í skólann allan þennan tíma og oftar en ekki skráður í að minnsta kosti eitt námskeið mér til skemmtunar.

En eftir átta ár þá held ég að það sé komin tími á að taka námið alvarlegar, skrá mig jafnvel í fullt nám í fyrsta skipti síðan vor 2004.

Hvað hef ég verið að gera síðan 2004? Það er góð spurning. Ég veit það ekki. Vinna líklega. Vinna á frístundarheimili, RÚV og loks hjá Hugsandi mönnum. Auk þessa fluttist ég loksins að heiman, eignaðist barn, útskrifaðist úr háskóla og gifti mig. Í þessari röð.

Einhvern tímann þarna á milli kláraði ég um ár í tölvunarfræði og ég held að ég sé tilbúin að fara aftur í skóla núna. Langar einhverjum að koma með mér í meistaranám í tölvunarfræði? Tölvur eru vinir, ekki matur.