Ég öfunda fólk sem hefur tíma til að skrifa heilu pistlana um allt sem þau gerðu á árinu. Hér kemur þó stutta útgáfan.
Ég fór í skóla, vann hjá RÚV, fór til Noregs og Svíþjóðar, trúlofaði mig, fór aftur í skóla, eignaðist barn, átti afmæli, hélt upp á jólin og níræðisafmæli ömmu og knúsaði Telmu og Brynhildi ótal sinnum.
Gleymdi ég einhverju?
Ég fór í skóla, vann hjá RÚV, fór til Noregs og Svíþjóðar, trúlofaði mig, fór aftur í skóla, eignaðist barn, átti afmæli, hélt upp á jólin og níræðisafmæli ömmu og knúsaði Telmu og Brynhildi ótal sinnum.
Gleymdi ég einhverju?
Færði snjóinn yfir á hnetuna. Hann á betur við þar, eins og flestir geta líklega samþykkt. Jólin á Andhimni verða þá rauð eins og í Reykjavík.
Rosalega er Telma vinsæl, það er verið að sýna jólamyndina hennar þriðju jólin í röð!
(Ég hlýt bara að gera ráð fyrir að það sé Telma sem er aðalorsök þess að myndin sé sýnd.)
(Ég hlýt bara að gera ráð fyrir að það sé Telma sem er aðalorsök þess að myndin sé sýnd.)
Íslendingar kunna ekki að leggja.
Þessi staðhæfing felur ekki í sér að íslendingar hafi almennt ekki aflað sér þá þekkingu og reynslu sem krefst til að geta lagt bílnum sínum í þar-til-gerð stæði, heldur að íslendingar séu upp til hópa algjörlega ófærir um þá tillitssemi og víðtæka hugsun sem kemur sér vel þegar staðsetja þarf bíl á meðan hann er ekki í keyrslu.
Dæmi 1:
Á meðan ég beið áðan eftir Telmu fyrir utan verslun með dóttur minni þá varð ég vitni að því að tveimur miðaldra konur - á sitthvorum bílnum - leggja eins og sannir fávitar. Sú fyrri kom með dóttur sinni á grunnskólaaldri og lagði yfir tvö stæði, á ská og á pínulítilli druslu og hálfa leið út á götu þar að auki. Hinni síðari líkaði greinilega ekki öll hin stæðin fjær búðinni og lagði beint í fatlaðra stæðið. Ég hvæsti og horfði illilega á hana. Henni var sama.
Dæmi 2:
Hafið þið komið upp í Þjóðarbókhlöðu á próftíma? Ég fæ ekki skilið hvað sumu fólki dettur í hug að sé ásættanlegur staður til að geyma bílinn sinn. Það er búið að breyta öllu bílastæðinu í einstefnu og gangstéttirnar eru algjörlega nytlausar þegar bílum er lagt þvert yfir þær. Áttar fólk sig á þessu? Er það virkilega svona sjálfselskt?
Hrokinn í íslendingum er stundum yfirgengilegur. Hann jafnast þó ekki á við röflið í þeim stundum, alveg ótrúlegt röfl alltaf!
Þessi staðhæfing felur ekki í sér að íslendingar hafi almennt ekki aflað sér þá þekkingu og reynslu sem krefst til að geta lagt bílnum sínum í þar-til-gerð stæði, heldur að íslendingar séu upp til hópa algjörlega ófærir um þá tillitssemi og víðtæka hugsun sem kemur sér vel þegar staðsetja þarf bíl á meðan hann er ekki í keyrslu.
Dæmi 1:
Á meðan ég beið áðan eftir Telmu fyrir utan verslun með dóttur minni þá varð ég vitni að því að tveimur miðaldra konur - á sitthvorum bílnum - leggja eins og sannir fávitar. Sú fyrri kom með dóttur sinni á grunnskólaaldri og lagði yfir tvö stæði, á ská og á pínulítilli druslu og hálfa leið út á götu þar að auki. Hinni síðari líkaði greinilega ekki öll hin stæðin fjær búðinni og lagði beint í fatlaðra stæðið. Ég hvæsti og horfði illilega á hana. Henni var sama.
Dæmi 2:
Hafið þið komið upp í Þjóðarbókhlöðu á próftíma? Ég fæ ekki skilið hvað sumu fólki dettur í hug að sé ásættanlegur staður til að geyma bílinn sinn. Það er búið að breyta öllu bílastæðinu í einstefnu og gangstéttirnar eru algjörlega nytlausar þegar bílum er lagt þvert yfir þær. Áttar fólk sig á þessu? Er það virkilega svona sjálfselskt?
Hrokinn í íslendingum er stundum yfirgengilegur. Hann jafnast þó ekki á við röflið í þeim stundum, alveg ótrúlegt röfl alltaf!
Klukkan er fjögur um morguninn á laugardegi og þú ert að skila ritgerð en áttar þig á því að þú ert ekki með heftara, hvað gerirðu?
a) Ferð heim og nærð í heftara
b) Ferð að gráta, hættir við allt saman og íhugar að hætta í skólanum, flytja úr íbúðinni og vinna það sem eftir er sem þræll "mannsins"
d) Reddar málunum með því að finna notað hefti og teiknibólu og finnast þú voða sniðugur*
* Já, ef það er búið að stela hefti úr blöðunum þínum þá var það örugglega ég.
En allt þetta skiptir engu máli ef nágranni kennarins stelur ritgerðinni og hendir henni út með baðvatninu (lesist Morgunblaðinu), þá þarf hvort sem er að prenta allt út aftur.
a) Ferð heim og nærð í heftara
b) Ferð að gráta, hættir við allt saman og íhugar að hætta í skólanum, flytja úr íbúðinni og vinna það sem eftir er sem þræll "mannsins"
d) Reddar málunum með því að finna notað hefti og teiknibólu og finnast þú voða sniðugur*
* Já, ef það er búið að stela hefti úr blöðunum þínum þá var það örugglega ég.
En allt þetta skiptir engu máli ef nágranni kennarins stelur ritgerðinni og hendir henni út með baðvatninu (lesist Morgunblaðinu), þá þarf hvort sem er að prenta allt út aftur.
Ég tók mig til og sendi inn þema í þemasamkeppni blog.is. Ekki hefur þeim þótt það merkilegt fyrst það fékk ekki að vera með í efstu þremur sætunum, en þið getið rétt ímyndað ykkur hversu slæmt það er ef þið skoðið þau þrjú sem þar eru.
Ég er ekkert voða bitur, mig langaði bara í þessa tölvu ... og smá viðurkenningu, fæ aldrei nóg af henni.
Ég er ekkert voða bitur, mig langaði bara í þessa tölvu ... og smá viðurkenningu, fæ aldrei nóg af henni.
